خايف يا إمّي

وإنشاء الله رح إرجع بكرا

بس بكرا صار سنين

ويومية إمّي بتدعي

إنّي إنجح

إنّي إرجع

بس شو خايف يا إمّي

خايف إرجع يوم ولاقي

لمسة إيدا خشنت

خايف إِرجع يوم ولاقي

تجاعيدا كتروا وكِبرت

خايف إرجع يوم ولاقي

لأ ما لاقي ما لاقيكي يا إمّي

تعودت عليكِ من بعيد

تعوّدنا نحكي بشاشة

يومية حبّي بيزيد

وعدّاد وقتك ماشي

شو بتمنى عوضلك

شو بتمنى بس حدّك

إبقى من اليوم وطالع

إبقى يا إمّي بقربك

خايف إرجع يوم ولاقي

لمسة إيدا خشنت

خايف إرجع يوم ولاقي

تجاعيدا كتروا وكبرت

خايف إرجع يوم ولاقي

لأ ما لاقي ما لاقيكي يا إمّي